《破地獄與白菊花》（六度公演）詩人黑盒劇場

阿嫲歸天要奔喪，
打齋儀式繁又多；
眼淚鼻涕皆欠奉，
勁放笑彈代哀歌！
我信天文，不過我成個家族都相信地獄......
點解打齋要破地獄？
點解白事點紅色蠟燭？
點解摺金元寶？
點解頭花有唔同顏色？
點解阿哥跪得我唔跪得？
點解場齋無人喊？我老豆死我會唔會喊？
點解成個家族百幾人，我會咁孤獨？
呢個連冥王星都被人踢走嘅年代，
阿嫲，你究竟去咗邊？
咁我，又將會去邊？