二次唱作川流音樂騷 潘源良生炒廣東話之有辣有唔辣源動力有限公司

潘源良飲廣東話奶大。幾十年嚟，除咗寫廣東歌詞、劇本，執導港產片，講波亦係廣東話即場講即場叫。

今次夥拍七位音樂人，將人人熟悉嘅名曲二次創作成為當下貼地刁鑽抵死有情有義些少古惑大量共鳴嘅舊曲新詞，唱埋講埋現場JAM埋演繹埋，同觀眾一齊，細味呢個城市嘅有辣有唔辣…

二創歌曲會有十多首。有辣有唔辣。辣嘅係貼地。講劏房講普選講養老冇計講溝淡講高官表現講笑到喊講食老本講港女講大媽等。唔辣嘅係貼心。講人生講成長講志向講瘋狂講清醒講心事講如何重新出發。