簡介
大師睇睇，有計仔！
劇情漫畫徵集及作品點評
平日畫埋畫埋，諗埋諗埋，唔知有無人明或欣賞嘅故仔，不如交俾大師睇睇！
作故仔，要做到合情合理，高潮迭起，又耐人尋味，或者你會同身邊人傾，踫撞吓火花，集思廣益。如果依然卡住，不如聽聽來自不同背景漫畫專業人士的意見，轉個念頭，在畫風、情節、選材等取得新靈感，完善作品，甚至試探吓自己嘅故仔在歐洲市場的潛力。
香港藝術中心於6月15至7月31日公開徵集劇情漫畫計劃書，無論係漫畫草圖、劇本構思甚至已經喺香港出版而未授權其他地區的劇情漫畫作品都歡迎！今次邀請兩位擅於劇情漫畫的資深法國漫畫編輯、出版人幫大家睇睇你哋嘅計劃書，他們來自著重實驗性而又看重漫畫家創作野心的法國出版社，有多部作品贏得國際漫畫獎項。
兩位大師會喺云云計劃書中挑選20個作品，8月中旬來港出席《港故仔︰香港漫畫巡迴展覽》時，會同入選嘅創作人單對單面談，夾下計仔！分分鐘就此成就驚世大作！
機會難得，而且費用全免。快啲準備好計劃書，7月15日就截止報名書啦。記住唔好漏咗收埋喺櫃桶底、床下底、書枱底收埋啲好嘢呀！
製作／參與人員