簡介
兄弟重聚 腥風血雨 愛恨虧欠 忿怒疾妒
子華神上一次演出舞台劇，已經係2016年嘅《前度》喇！今次首次Part埋劇帝潘燦良同多次合作嘅編劇莊梅岩，演出原創劇目《最後禮物 One Last Gift》，一定會有好強嘅舞台爆炸性！萬分期待！而且會一百期分難撲飛嘅...
至於幾年冇做舞台劇嘅子華就話:「冇做舞台劇啫，我一直有開電影嘛！今次能夠同我偶像潘燦良合作，真係夢寐以求，潘燦良應該係我喺香港舞台上，睇佢最多戲嘅人，粗略估計睇咗佢十幾部演出，佢十部演出或以上，好開心可同佢合作。」
講到套劇嘅內容，子華又話：「我們呢套劇叫《最後禮物》，近年大叔好吃香嘛，好流行大叔的愛，我覺得我們這部劇有權改名叫《大叔的恨》呀，我同阿燦呢兩位大叔，在劇裡面恨到出面。」劇帝阿燦就搭咀:「應該係有好多愛先產生咁大嘅恨」子華:「而家唔可以劇透，大家入場就知係咩。」