【🌱8月16日】首屆「荔窩，在！嘉年華」多元免費活動等你參與🤟🏻
🏡 走進被旅遊指南《孤獨星球》(Lonely Planet) 譽為「香港最古老、保存最完好的鄉村聚落」——荔枝窩村，用最生動方式探索村落🙌🏻，在地享受百年韻味！
響應 8.15「全國生態日」，無止橋慈善基金主辦、香港鄉郊基金協辦首屆「荔窩，在！嘉年華」，將舉辦一系列體驗活動🤹♀️，包括工作坊、市集、導賞團、Busking以及互動遊戲等，藉此增強公眾對環境保護嘅意識，推廣生境、物種同客家文化保育🌲。
想認識多啲荔枝窩同體驗各式各樣嘅活動嘅話，就千祈唔好錯過喇‼️
活動亮點：
🌟林超英主席 X 黃錦星主席 鄉郊保育強強聯手榕樹下對談
🌟利用環保樂器演奏嘅Bombak Percussion敲擊樂隊帶領公眾參加荔枝窩音樂巡遊
📅 日期：2025年8月16日（星期六）
⏰ 時間：10:30-15:30
📍 地點：茘枝窩村
需報名活動截止報名｜ 2025年8月11日（一）
**收到報名表後，主辦會在8月5日（二）或之前以WhatsApp形式通知報名者集合地點、時間 及 其他活動注意事項。
– – – – – – – – – –
重點活動包括：
🔊「荔蔭夏語 」—超英爺爺 及 星星主席 荔枝窩榕樹下談城鄉共融 [無需報名]
當蟬嗚蓋過冷氣噪音，當樹影取代投影機...
香港鄉郊基金主席林超英同無止橋慈善基金主席黃錦星將卸下西裝領帶，喺百年榕樹嘅天然翠蓋下，以最自在嘅姿態，伴隨住山野清風，同大家閒話城市同鄉村嘅共生之道。呢場同自然共生嘅對話，一定係今夏最有詩意嘅邂逅！
⏰ 時間：14:00-14:45
📍 地點：茘枝窩村榕樹下
– – – – – – – – – –
🥁「鼓動荔夏」環保音樂巡遊 [無需報名]
用大地和森林作為舞台，用廢棄的用品作為樂器，奏響屬於荔枝窩的生態交響曲。
Bombak Percussion嘅樂手們將會用廢物升級再造而成嘅環保樂器演奏，邀請大家一齊參與呢場別具風味嘅音樂巡遊。歡迎即興加入演奏，一齊將想像化成音符，穿梭於山水之間。
⏰ 時間：12:00-12:15 及 13:15-13:30（共2節）
📍 起點：茘枝窩村關帝廟前
樂團介紹：
Bombak Percussion Ensemble 由四位香港浸會大學音樂系畢業嘅年輕敲擊樂手組成，致力推廣環保音樂理念。樂團以創新手法將回收物料重塑成專業敲擊樂器，更同唔同組織跨界合作，透過充滿活力嘅節奏演繹，喚醒大眾對永續發展嘅關注。
– – – – – – – – – –
🏞️ （全日活動）「手繪香港」寫生工作坊 及 生態導賞團 [需預先報名] [名額已滿]
用筆觸繪畫百年秘境，以腳步探索生態奧妙。
無止橋與手繪香港合辦寫生工作坊及生態導賞團，參加者可以用一筆一紙記錄低荔枝窩嘅古村建築同生態環境，將自己眼中嘅荔枝窩村繪畫成獨一無二嘅作品。參加者亦可喺導賞團中親身尋覓荔枝窩村嘅一草一木，探索本地豐富嘅生物多樣性。
⏰ 時間：09:00-17:30 （包括工作坊、導賞團、交通、午餐及休息時間）
🧑🧑🧒🧒 名額：12人
**參加者需繳付按金100元，完成活動後會全數退還
**全日活動，參加者需自行安排午餐
– – – – – – – – – –
🌞客家版Mojito: 夏日清涼薄荷噴霧工作坊 [需預先報名]
夏日炎炎，大家都想飲返杯「Mojito」消暑解熱。荔枝窩村民阿鏡會教大家用喺荔枝窩種嘅無添加薄荷同其他香料製作成可以「噴」嘅「全天然Mojito」，參加者可於嘉年華當日即時使用降溫，亦可以同親朋戚友分享，大家一齊「涼浸浸」。
⏰ 時間：11:00-12:30 及 13:30-15:00 （共2節）
🧑🧑🧒🧒 名額：每節12人
**參加者需繳付按金100元，完成活動後會全數退還
– – – – – – – – – –
🧵「植」得擁有——生態藝術藍曬工作坊 [名額已滿]
用落葉作為筆墨，以陽光書寫歷史。參加者化身「自然詩人」，用古老嘅工藝技術，收集由大地饋贈落葉枯枝，用藍曬魔法將佢哋嘅身影定格喺紙上面，化為大地詩篇。
⏰ 時間：10:45-11:50
🗣️ 語言：普通話（由清華大學鄉村振興工作站—沙頭角支隊 同學教授）
🧑🧑🧒🧒 名額：每節20人
– – – – – – – – – –
💐 葉繪鄉韻——植物拼貼工作坊 [名額已滿]
邊個話畫畫一定要用畫筆同顏料？今次我哋會用落葉、果實、種子做顏料，將茘枝窩紅樹林林嘅潮汐、風水林嘅鳥鳴、田間嘅清香，通通拼貼成一幅平面嘅「小茘枝窩」。
⏰ 時間：10:45-11:50
🗣️ 語言：普通話（由清華大學鄉村振興工作站—沙頭角支隊 同學教授）
🧑🧑🧒🧒 名額：每節20人
– – – – – – – – – –
🔎荔記微觀探險隊 [需預先報名]
緊急呼籲！我哋現正招募「荔記微觀探險隊」隊員。隊員將化身成小小探險家，使用放大鏡同「自然筆記」觀察荔枝窩五大保育物種（田雞/虎紋蛙、薰衣琉璃灰蝶、杯斑小蟌、水蕨、弓背青鱂/米魚）及其他珍貴動、植物，完成「不一樣嘅任務」。參加者可以寓學習於娛樂，認識荔枝窩嘅生物多樣性。
⏰ 時間：11:00-11:30、13:15-13:45 [名額已滿]、14:00-14:30 及 14:45-15:15 （共4節）
🧑🧑🧒🧒 名額：每節10人
– – – – – – – – – –
⛰️荔枝窩公眾導賞團 [需預先報名]
在繁華嘅高樓外，同森林對話。超過三百年歷史嘅古村、壯觀嘅紅樹林、別具一格嘅風水林，由導賞員帶參加者走過茘枝窩嘅山水，享受郊野空氣，逃離城市繁囂。
⏰ 時間：10:45-11:30 [名額已滿]、13:15-14:00 及 14:15-15:00 （共3節）
🧑🧑🧒🧒 名額：每節15人
– – – – – – – – – –
🏫《村聲迴響：聆聽香港村校記憶》讀書會 [無需報名]
「叮——咚——」上堂鐘聲響起，我們不單只「讀」故事，更加要「唱」故事🎤！作者史嘉茵同「遊村唱者」Tony Wong帶你邊聽珍稀校歌錄音，邊解密村校點用音樂教孩子愛家、愛村、甚至愛上一隻路過嘅黃牛！🐮一齊揭開香港隱世村校嘅音樂記憶簿！🎵
⏰時間：11:00-11:45
📍 地點：茘枝窩村榕樹下
– – – – – – – – – –
📸「荔窩360°」打卡位/攝影站 [無需報名]
用鏡頭捕捉茘枝窩擁抱你嘅瞬間。
嘉年華當然唔少得打卡環節！我哋設置咗360度相機讓參加者打卡影相，仲mark埋「最靚打卡位」俾大家，等大家可以拍低荔枝窩最美嘅一瞬間，仲可以即時下載相片留為紀念。
– – – – – – – – – –
參加者需自行安排前往場地的交通。
交通方法：
＞方法 1——馬料水3號梯台乘街渡
港鐵大學站步行15分鐘至馬料水3號梯台
街渡09：00由馬料水開出，15：30由茘枝窩回程
逢星期六、日及公眾假期服務
航程約為1小時30分鐘，單程船票為HK$45
＞方法 2 ——沙頭⻆公眾碼頭乘街渡
乘巴士78K或小巴55K到沙頭角禁區內
街渡班次：
08:30/10:30/12:30/15:15由沙頭角開出
09:00/11:30/13:00/16:15由荔枝窩回程
逢星期二暫停服務（公眾假期除外）
航程約為30分鐘至1小時，單程船票為HK$40
**如乘搭沙頭角街渡進入荔枝窩，參加者必須自行在活動日前最少3個工作天申請禁區許可證。
活動當日在沙頭角禁區驗查站出示身份證 及 電子版禁區許可證即可。
（申請網址：https://www.es.police.gov.hk/eserv-online-portal-ui/#/pages/home)
按金報名活動：每人於報名時已繳交港幣100元按金以預留名額。出席活動後，按金將於活動完結後約6至8個星期內自動退回報名時使用的扣帳戶口。退款到賬時間或會因應銀行而有所不同。如缺席活動，按金將不獲退回。此外，支付活動按金時產生之任何手續費將不獲退還。