簡介
經典流行兒歌 DJ 派對夜！
今晚，請你著返件校服（心裡著都得），一齊跳住飲、喊住唱返啲成長主題曲。
從《數碼暴龍》打到《叮噹》，由《動物橫町》Chok到《守護甜心》，
每首都係青春的片段 —— 今晚我哋幫你放返出嚟！
熟悉旋律 × 新鮮拍子，令你懷舊之餘都想企起身跳！
《金曲公投》開跑！你話事揀歌！
即將開放預選投票 —— 你投票，我哋打碟！
由你決定當晚 Set List 裡邊嘅「三大天王」！
懷舊唔代表老套，童年金曲都可以玩得好癲。
8月23號，約定你返學校——放肆一晚！
歡迎 cosplay 校服角色 / 動漫角色入場！