「荷蘭深造港人Jazz Bass強勢回歸，充滿驚喜嘅香港新爵士」
今次New Jazz Voice 有翻騰嘅一位老朋友由荷蘭遠道而來探我地，佢就係Basso Chan a.k.a. 馬騮。
翻騰 "New Jazz Voice" 系列，旨在為本地新晉及優秀的爵士樂手提供演出平台，讓他們發表自己的音樂，並介紹他們給觀眾們認識。
活動免費開放，現場設捐款信封。扣除必要成本（包括音響技術及接待人員費用）後，所有收益將全數給予表演樂手。「翻騰」作為主辦方，並不會從中獲取任何利潤，純粹為開心跳起yeah。
小編的話：
Basso 本身係一個喺香港活躍嘅年青Bass手，香港音樂本科畢業後，受到資助到海牙進修爵士樂(勁嫁！)，呢段時間呢位優等生已經喺歐洲進行過大大小小嘅表演，今次番黎連同埋一眾香港資深嘅Local，一定會有好多意想不到又高質嘅音樂。認識下外國浸過嘅樂手係點，mark 定calender我11月3號星期一晚見！
藝人簡介：
"An inspiring evening ... showcasing what emerging talent is doing with jazz." Beatstad-Radio
香港出生嘅低音結他手Basso Chan，早年於香港教育大學獲頒音樂學士學位，並榮獲李嘉誠基金會獎學金。其後，佢遠赴荷蘭海牙皇家音樂學院深造爵士低音結他，師承國際著名演奏家 Tony Overwater 及 Gulli Gudmundsson。
活躍於國際音樂舞台，演出足跡遍及香港、荷蘭、英國及瑞士等地，Basso曾獲邀參與多個重要音樂節，包括香港爵士馬拉松、香港爵士音樂節、Festival Classique、Jazz in de Gracht 及 Langnau Jazz Festival。其中Juan Rodríguez 三重奏更獲選為 2025 年度瑞士權威音樂盛事 Langnau Jazz Nights 之開幕演出團體，成就備受肯定。
Basso現以荷蘭為基地，從事自由身演奏工作，專精於爵士及騷靈音樂範疇，定期於各類音樂會、藝術節及製作中演出。