東方流星阿根廷探戈演奏會 ( 加新手班 )【藝穗節26】藝穗會、藍月雅集

講起阿根廷探戈音樂，除左皮亞佐拉，你仲講得出邊個？對於阿根廷探戈舞蹈，腦海係咪浮現男士咬著玫瑰花，女士一身美豔紅裙，專屬上流社會太太們的玩意？完全錯曬！！生於香港嘅探戈音樂家張頴怡Winnie Cheung，今年情人節帶埋台灣鋼琴家王絲涵Winnie Wang同埋大提琴家邱聖之Sandy Chiu，加埋3位本地薑音樂家 - 小提琴家方潔 Fang Jie，趙寶儀，黃思瀚聯手組成東方流星探戈樂隊一齊表演探戈音樂，帶大家感受探戈音樂如流星掃過夜空嘅質感，時而美麗哀愁，時而歡快澎湃嘅節奏！音樂會之前仲有Let's Tango 嘅舞蹈老師帶大家親身體驗探戈基本步同教授舞會禮儀。情人節，有伴帶伴，無伴就過黎透過探戈BB班認識新朋友。長夜漫漫，有音樂，有舞蹈，有生活。2月14號晚，Fringe Club 見！

- 不設劃位。
- 場地於節目開始前十分鐘開始入場，亦可以現場購票（如未售罄）。
- 學生票持有人請出示有效學生證明。
- 衣著方便活動便可，建議避免太長的裙子，慎防自己踩到裙尾。高跟鞋並非必要，請避免太過笨重及抓地力強的鞋子。皮底鞋，拉丁舞鞋或者布鞋都可以。穿短褲和拖鞋者不得入場。敬請體諒。
- 了解更多藍月雅集其他活動：https://www.instagram.com/bluemoon_milonga/
- 了解更多關於Tango with Winnie: http://tangowithwinnie.com/