簡介
明明喺機場客運大樓行緊，轉個角落竟然瞬間飛到70年代香港街頭！
香港國際機場聯乘 McDonald's，推出以「城市縮影．見證變遷」為題嘅懷舊街道展，重現舊式大藥房、電器鋪、時裝店、霓虹燈招牌林立嘅街頭光景，仲將當年全港首間麥當勞餐廳帶到眼前，每個場景都係必影打卡位！
展覽帶你走入香港人嘅集體回憶，讓港人同旅客重溫昔日溫馨片段，感受呢座城市嘅歷史同人情味。下次嚟機場記得留啲時間睇展覽，體驗香港情懷！
打卡後記得用 #airportmemories #機場時光 標籤，分享你嘅「時光倒流」瞬間！