文化市集工作坊活動免費
「此刻．同在」故事換物祭藍屋、維城文化「離散探索者」
簡介
【「此刻．同在」故事換物祭｜回望過去，找到安好前行嘅力量】
轉眼間，2025年已經過去。喺努力展望未來之際，我哋不如試下放慢腳步，靜落嚟問吓自己：「呢一刻嘅自己，過得還好嗎？」
帶住呢份心意，農曆新年前夕，我哋會喺藍屋 @vivabluehouse 舉辦「此刻．同在」故事換物祭。去年經歷嘅事故，令我哋更深刻體會到「平安」來之不易。我哋希望活動可以成為大家嘅喘息空間，聚首一堂回顧過去一年嘅跌宕，喺傾聽同陪伴之中，生出展望未來嘅氣力。
今次換物祭延續「唔講錢」嘅傳統。我哋用故事易物，或者用故事易故事，等大家喺藍屋以最純粹嘅方式互相分享生活點滴。
現場體驗預告：
- 故事易物 ｜ 帶走一件物品，留低一段故事與回憶
- 藝術體驗工作坊 ｜ 透過詩篇、繪畫同文字，撫平生活嘅摺痕
- 多元文化分享 ｜ 聆聽唔同社群嘅離散故事，認識多元文化
- 新春祝福 ｜ 由夥伴為大家寫揮春，將祝福帶回家
- 社區連結 ｜ 藍屋街坊分享生活日常，感受「留屋留人」嘅街坊情懷
除咗以上體驗，現場仲有更多精彩內容！嚟緊幾個星期，我哋將會陸續同大家詳細介紹，記得密切留意！
大家亦可以喺現場嘅故事卡寫低想同自己或香港人講嘅說話，將祝福掛喺藍屋。大家安好同在，就係我哋最大嘅心願。
2月，約定藍屋見！
製作／參與人員
主辦藍屋, 維城文化「離散探索者」
支持機構何鴻毅家族香港基金