簡介
Hello！又喺我Pollyanna 呀！我最近喺WMA 展場發現疑似模仿我嘅人！佢哋都好似我咁壞壞地，一時正能量滿瀉咁熱烈應援，一時喺角落位置各自「漏氣」。佢哋喺 hope 與 nope 嗰條超幼嘅界線上來回切換，一聲震耳欲聾嘅「你得㗎！」過後，回到角落就好似電量見紅咁，連笑容都要慳住用。
當希望被公式化、鼓勵變成表演，正能量就唔再係「加唔加油」咁簡單，而係呢套打氣語言，點樣喺現實生活中被生產、接收，甚至成為絕望嘅起點。
經過一系列調查，我已經捕捉到佢哋即將出沒的日子同時間。無論你「只係想靜靜地睇展覽」，定想「被正能量一波」，又或者想親身確認呢班到底係「打氣小隊」定係「漏氣小隊」，都歡迎你隨時喺呢三個鐘入面感受一下。
製作／參與人員