《寶安娜》電影分享與藝術家座談WMA Space

嗨，又喺我寶安娜！其實，有無人諗過我係邊位？

我嘅原型喺嚟自兒童文學Pollyanna（1913）！呢個由美國作家Eleanor H. Porter創造嘅人物，經歷咗百幾年嘅詮釋同發酵，逐漸演變成「正能量爆棚」嘅超譯符號！而且仲衍生成心理學嘅一種取態同傾向添。「我」從何而來，又點樣經由藝術家黃慧妍轉化，成就咗今時今日呢個香港版嘅我呢？

WMA 將舉辦一場電影分享討論同藝術家座談，從一部輕鬆刻板嘅短篇默片出發，再邀請「寶安娜與佳德新村」嘅「始作俑者」黃慧妍對談。

你問點解要特登睇返最早期嘅默片版本？

因為默片好老實，佢冇聲軌幫你落雞湯、又冇咩對白幫你兜情緒；喺輕鬆簡單嘅音樂伴奏之下，你會更清楚見到呢個「永遠快樂」嘅人物點樣靠表情、身體、節奏同字幕卡一步步被塑造出嚟——快樂係點樣被安排、被期待，甚至有時會令人覺得：咦，我係咪都應該要跟住笑？

電影分享之後，討論會拉返到此時此地：藝術家黃慧妍會分享從文本到主題、由媒體到觀看經驗，講希望點樣喺城市生活、社交媒體語言同當代影像之中被推動、消耗，同時點樣仲可以保留矛盾、疲累、諷刺同關懷。

更多詳情：https://wma.hk/zh/events/film-sharing-and-artist-talk-pollyanna-and-doris-wong

語言：廣東話