簡介
平時生活節奏咁快，你有冇渴望過一片廣闊嘅大草原？今次 Museek Studio 為大家帶嚟一次洗滌心靈嘅音樂體驗！我哋好榮幸邀請到著名馬頭琴演奏家——許福維，帶領我哋一齊探索蒙古馬頭琴嘅獨特魅力
每一把馬頭琴都係一件精緻嘅手工藝品，頂部雕刻住栩栩如生嘅馬頭。由琴頭、琴桿、琴弦，到面板同側板，全部都蘊藏住蒙古族對游牧生活嘅熱愛同敬畏。馬頭琴低沉而悠揚嘅聲音，有時會給人難以言喻嘅療癒感，就好似微風撫過大草原一樣，令人瞬間放鬆落嚟，有時又會激昂高亢，帶給你萬馬奔騰嘅活力。
喺今次嘅分享會入面，許氏會深入淺出咁講解：
* 馬頭琴的由來：了解呢種樂器同蒙古族日常生活嘅深厚淵源。
* 結構和特點：拆解馬頭琴獨特嘅製作工藝同構造。
* 在蒙古文化的角色：細說馬頭琴點樣影響蒙古族嘅歷史傳統。
* 蒙古國與內蒙古的分別：從演奏方式、製作工藝、音樂風格到教育體系，全面剖析兩地嘅差異。
當然唔少得精彩嘅現場示範樂曲！老師同兩位學生除了會為大家帶嚟傳統作品示範，更有加入創作作品及時下流行曲的馬頭琴版本，機會絕對難得！
講者 / 演奏：許福維
國際馬頭琴協會會長（香港），多年來致力喺香港推廣馬頭琴藝術。早期主修二胡，畢業於香港演藝學院，後來跟隨蘇爾格 (Sorgog Erdenebaatar) 學習規範嘅蒙古國同內蒙古系統性馬頭琴技法。許氏除經常獲邀到各地表演，近年也參與過盧冠廷、張敬軒、姜濤等流行歌手的演出與錄音製作。
- 不設劃位。