荔枝窩有米團

香港好有米？！今年 7 月荔枝窩真係「有米」啊！

今次邀請大家嚟荔枝窩親手感受呢度嘅米，了解稻米唔同嘅形態。《荔枝窩有米團》唔止係試下做農夫，更係一個帶你搵返「米從何處來」嘅深度體驗：
嚐：由 Foo's Cafe 悉心設計嘅特色午餐，主角就係荔枝窩土生土長嘅稻米。
釀：親手學整傳統客家糯米酒。
住：入住揉合傳統同現代設施嘅客家老屋。
看：香港難得一見嘅農耕風景。
兩日一夜嘅慢活步調，等你可以喺忙碌嘅生活入面「斷捨離」，回歸最簡單嘅農耕生活。