簡介
濱野春希（浜野はるき）以大膽嘅風格席捲日本社群，將日本辣妹態度完美融入音樂，大膽唱出女性最赤裸嘅真實心聲。
代表曲如《中洲 Lonely Night（中洲ロンリーナイト）》、《疑似戀愛 Gijikoi（ギジコイ）》，毫不忌諱咁，描繪肉體纏綿間所誕生出嘅苦甜交雜心情。同時亦都有《Dear my ex.》、《Princess GaL》等曲，赤裸裸描繪過去戀愛經歷與人生點滴，將豐富的戀愛與人生經驗昇華為音樂。
佢嘅創作喺網絡社群上總播放次數達4億次，代表曲之一嘅《疑似戀愛》日前亦都喺香港、台灣等地嘅 Spotify 排行榜奪得第1名，但呢一切得來不易。喺成為唱作歌手之前，佢曾經擔任過 Model，亦加入過偶像團體，同埋日本職籃旗下嘅歌舞團體，之後先落腳喺日本三大歡樂街之一的中洲成為陪酒小姐，仲出演埋人氣嘅戀愛綜藝節目。
最終決定拋下一切，毅然成為全方位獨立音樂人嘅 濱野春希，一手包辦起作詞、作曲、街頭表演、創立廠牌，甚至係舞台企劃，叛逆地行喺一條只屬於自己嘅正道。
無論係對過往嘅床伴同前男友反擊、向言語攻擊自己嘅網友回嘴、抑或係單純地向鐘意嘅對象表達喜愛心情，濱野春希 全部都用佢嘅可愛嚟包裝，形成佢獨有嘅「毒性」。
如果你都一樣，早就聽厭嗰啲寫比乖乖女嘅罐頭情歌，不如就嚟到現場，一齊感受佢最真實、最辛辣嘅現場魅力。
