第三屆笑林木人巷棟篤笑實戰班

【第三屆笑林木人巷棟篤笑實戰班】

​平時睇人講棟篤笑就多，自己上台講你又試過未？驚講野比人笑？唔驚，玩完棟篤笑，你只會驚講完無人玩。《笑林木人巷》棟篤笑入門班，專教點樣將日常生活變做笑點，由寫稿到上台由 0 教起！砌出屬於你自己第一個笑爆全場的棟篤笑稿；完成後有畢業展演，更有機會走向 Open Mic、比賽、義工演出同商演。零基礎都可以報，名額 20 位，先到先得！

*呢個課程啱邊個*
- 想提升幽默感、自信心同臨場反應嘅你。
- 想第一次試吓講棟篤笑嘅你。
- 想成為棟篤笑演員，或者想挑戰自己舞台能力嘅你。
- 想參加棟篤笑比賽，但未識點砌段子、搵笑位嘅你。

想學點樣講故事、表達自己，同時講嘢更有趣嘅你。

上完堂你會得到：
- 畢業展演｜完成 4 堂後，有正式結業舞台，畀你完成自己第一個 5 分鐘棟篤笑。
- Open Mic 實戰｜有機會參與線下 Open Mic，喺真實觀眾前試段子、練膽、收 feedback。
- 比賽機會｜表現優秀者可被推薦參加棟篤笑比賽，爭取獎金、曝光同升級舞台。
- 商演機會｜表現出色學員可優先獲安排公開／商業演出。
- 搞GAG 創作社群｜唔係上完就散，之後都可以繼續互改段子、交流創作。

笑林義工團｜有機會參與義工團探訪演出，用笑服務社區。