簡介
風車草劇團 2016「忙與盲」第二部曲
《阿晶想旅行》
人生就係旅行
風車草劇團繼上年《忙與盲的奮鬥時代》有血有肉道盡雨傘運動後香港人各行各業的心態，今年再下一城，創作《忙與盲》的第二部曲－《阿晶想旅行》，以旅行為切入點，剖析我們對這個家又愛又恨的矛盾心態。
阿晶、阿精、阿貞、和千千萬萬的阿Jing 都係典型香港人。香港人，最鐘意就係旅行。開心去旅行、唔開心去散心、長假去遠啲、短假去近啲。香港人都愛香港，但點解飛機個前轆返到嚟赤鱲角跑道嗰一刻，心裡面總按耐不住那句Sh_t!!?
邵美君、湯駿業和梁祖堯一手包辦編、導、演，三人分飾無限個代表香港人阿晶、阿精、阿貞…...在短篇故事當中，配合紀實錄像，探討香港人旅行時候的千奇百怪現象。從身體的旅行，到精神的旅行，到最後其實成個人生都只不過係一次旅行吧！三人成團，帶你玩匀全世界。滄海桑田，我們重新愛上香港這個家！