三個劇本一次過「操爆」你對性／別嘅想像！兩套本地製造嘅原創劇《素潔（暫名）》同《三行鐵男》，仲有海外華人作品《Ga Ting》，一連四日，六場表演，等你嚟發掘性別嘅無限可能！未睇呢個讀劇節，唔算真・開放！現場仲有飲品添呀！

➀《素潔（暫名）》 #準身體 #女性主義 #身體解放

你覺得喺床上高潮係咁咁咁咁緊要嘅事？《素潔（暫名）》呢套劇將會追尋高潮嘅意義，由上床嘅快感去到拆解家庭嘅枷鎖！主角嘅身體探索之旅，點解可以將個名都變成「暫名」？血脈相連重唔重要？自己做主人定被人主宰？睇住人哋搵高潮，你會唔會都有種「心郁郁」，想知高潮係咪等於解放？等編劇薩姆曼帶你開呢道神秘嘅門！

※粵語演出，含成人情節

➁《三行鐵男》 #有毒的陽剛氣質 #生理性別 #性別氣質

「我唔搞基，我直過高速公路！」三行店太子爺伍繼忠，日頭係幫老竇賣五金嘅鐵漢，夜晚化身戀愛腦網絡小說作家，仲打算扮女人嚟追返酷兒初戀！呢套爆笑喜劇帶你探索香港直男直女嘅思想世界，仲有一大堆我哋平時成日講但都無為意嘅性別標籤！彭思穎筆下嘅「直男修煉之路」，笑中有淚，保證令你諗返起身邊有幾多個「繼忠」！

※粵語演出，含少量成人情節及不雅用語

➂《Ga Ting》 #多元交織性 #文化挪用？

「我哋屋企從來唔討論呢啲嘢㗎！」加拿大華裔父母兒子自殺，白人男友過咗嚟食飯，本來想只係了解多啲，點知演變成一場文化大撞擊！呢套由加拿大華裔編劇Minh Ly創作嘅《Ga Ting》（「家庭」嘅廣東話拼音），將中西文化矛盾、兩代人嘅愛恨情仇，仲有恐同與接納嘅掙扎，通通放喺一頓「告別晚餐」入面。究竟邊個先至係真・家人？愛一個人，係唔係代表要接納佢所有？華人父母同子女嘅隱藏情感，喺呢套劇入面徹底爆發！2019年喺加拿大「The Next Stage Festival」演出嗰陣，場場爆滿、叫好叫座！今次香港首度讀劇，唔好錯過！

※英語輔以粵語演出，設有字幕

17 Jul (Thu) 8pm
《Ga Ting》

18 Jul (Fri) 8pm
《三行鐵男》

19 Jul (Sat)
3pm《三行鐵男》
8pm《素潔（暫名）》

20 Jul (Sun)
3pm《Ga Ting》
8pm《素潔（暫名）》