簡介
大家仲記唔記得香港仔海面上，曾經有幾座海上皇宮盛極一時呢？
佢哋唔單止係香港嘅著名標誌，仲有好多套電影喺嗰度取景，每晚都衣香鬢影，非常熱鬧！但係正所謂「煙花會謝，笙歌會停」，再璀璨嘅燈光都有熄滅嘅一日。自從熄燈嗰日開始，無人到訪嘅海鮮舫裝飾們就一直等緊翻生，重回往昔繁盛嘅一日！
演戲家族將會於 8 月 10、17 日喺香港仔坊會社區中心禮堂上演三場音樂劇《翻生海鮮舫》，就由我哋一眾演員帶大家重回海鮮舫，睇下佢哋點樣喺熄燈之後再翻生！
故事梗慨
公仔鎖匙扣阿布誤闖一艘沉寂多年的海鮮舫，她急切地想尋回家的路重返主人身邊。然而，因為取笑船上的裝飾「老土」而觸怒各裝飾們，唯一願意幫助她的竟是高掛在吊燈上的兵仔。在他們的旅程中，意外發現有人企圖鑿沉這艘海鮮舫，危機一觸即發！阿布和兵仔將如何攜手拯救這艘海鮮舫呢？
- 不設劃位
- 節目長約60分鐘
購票／報名