簡介
Bay Leung會喺The Underground冬日音樂節（2026年1月23號同24號）展出佢嘅畫作。今次展覽叫做「The Unseen Spectrum」，邀請大家一齊突破自己嘅界限，探索喺挑戰中成長的美麗。Bay嘅作品會喺冬日音樂節連續兩日,於 Anita Chan Lai-ling Gallery 展出。
以下係更多關於展覽嘅資料。
你今次展覽嘅主題係咩?
主題為「The Unseen Spectrum」, 邀請大家一齊突破自己嘅界限。呢到可以見證一個理念:我地最深刻嘅挑戰可以帶來最美麗嘅經歷。
你點形容今次冬季音樂祭會展出嘅作品？
我用壓克力同少少混合媒介去創作，畫作主打對比強烈：光影對比可以突顯出純粹嘅情感，豐富嘅筆觸會令大家可以自我沉思，遇見黑暗同希望。雖然我有特殊嘅色弱問題，睇落好似係障礙，但佢反而成為我嘅創作靈感，令我可以創造嶄新嘅色彩同構圖，打破傳統。
咩啟發你去畫呢啲畫？
一啲值得保留嘅珍貴回憶，同時要保留此時此刻，將美好時刻永遠保存，畀大家回顧永不過時嘅回憶。
你嘅音樂同藝術有冇關連？
其實音樂同畫都係由我做出嚟，不過兩者表達嘅感覺好唔同，各有特色。音樂好多時可以帶出比較深入嘅情緒主題，好容易引起聽者共鳴。但視覺藝術就展現出完全唔同嘅情感，可以用最赤裸嘅感受去挑戰同刺激大家。
你希望大家睇你嘅作品會有咩感受？
希望大家重新感受藝術，可以感受,思考同得到一啲啟發。
你幾時開始畫畫？
由細個喺課本亂畫塗鴉開始，慢慢變成有心去畫，大約2001年開始專注去創作。咁多年嚟一直都好鍾意畫畫，逐步發展而家嘅風格，每一幅都係我想像力同我過去畫畫經歷嘅結晶品同延續。
製作／參與人員