簡介
本地新銳藝術家 Aka Chio 趙慧珊 第四個個人展覽「晃樂·願」今日正式開幕！即日起至3月22號，嚟海港城美術館就可以睇到啦
展覽呈現 Aka 標誌性嘅黑白金色針筆畫，線條細膩、光影對比分明，構建出一幕幕充滿詩意同故事感嘅畫面。有真實與想像交織嘅動物，亦有世界各地嘅幸運符號，化為滿載祈願同祝福嘅畫面。Aka 仲特別創作咗十二幅充滿童趣嘅小畫作，以可愛招財貓融合十二生肖動物為主題，除咗喺今次展覽首度展出，更同步推出限量藝術複製畫！
另一亮點仲有 Aka首次跨界聯乘著名高端燈具品牌 KOFFA，推出親自設計嘅兩款聯名檯燈，更首度呈獻大型燈飾藝術裝置《Also Known As》。裝置寬近一米、高約半米，以13枚精心雕琢嘅「筆尖」構成，象徵 Aka 過去十三年嘅創作歷程。
「晃樂·願」唔止係 Aka 創作路上嘅回顧，亦係一個全新開始。由舞台上嘅耀眼光芒，到畫布前嘅沉澱與專注——呢個展覽，記錄低佢嘅成長，亦邀請大家一齊放慢腳步，感受藝術嘅力量。