簡介
百年古蹟沉浸式互動劇場《甘棠第宴會失竊事件》正式開團
法定古蹟實景 X 1911 年真實歷史改編
中環半山「甘棠第」大門，正式為你打開
作為 2025 年度社區文化大使企劃既終極重頭戲，我哋將整座孫中山紀念館（甘棠第） 變身成 1911 年嘅大型歷史舞台。由法式客廳到地庫保險庫，全館化身沉浸式劇場體驗。呢度唔再係冰冷嘅博物館，而係一個充滿金錢交易、情報博弈同人性考驗嘅權力競技場。
歲月微塵，掩蓋不住百載餘溫；
彩色玻璃背後，昔日的低迴耳語未曾散去；
每一場華麗的晚宴，都是一場關於理想與生存的靈魂試煉。
你將會體驗到：
百年古蹟全場景體驗
你將穿梭於彩色玻璃、木製旋轉樓梯與隱秘長廊，喺真正嘅法定古蹟入面完成任務，觸摸百年前嘅時空體溫。
碎片化解謎 X 深度故事
劇本參考真實歷史文件編寫。每一張地契、每一封家書、每一份鴉片專營權協議，都係解開局勢謎團嘅關鍵證物。真相，往往藏喺不經意嘅細節入面。
權力與金錢嘅博弈
喺呢場盛宴入面，情報即係貨幣。你要喺洋行大班、緝私隊官員同華商領袖之間周旋，利用手段換取足以改寫命運嘅極密情報。
專業演員近距離交鋒
專業演員全程帶領入戲，虛實交替。你嘅每一次抉擇、每一句對答，都可能引發意想不到嘅劇情分流。
真實歷史解密：從戲劇回歸現實
當演出落下帷幕，我哋會由沉浸式嘅劇中時空抽離，進入真實歷史講解環節。我哋將為你拆解劇本背後嘅考據，將剛才經歷嘅起伏跌宕，還原至孫中山先生、方家後人以及百年前香港真正嘅風雲面貌，帶走一段有溫度、有深度嘅歷史記憶。
「1911 年嘅時鐘已經撥動......晚宴將至，入席後，請務必守住你嘅秘密。」