簡介
當《龜兔賽跑》遇上《國王的新衣》，再撞入《糖果屋》嘅世界……會擦出乜嘢火花？
今個 8 月，普劇場將三部經典作品重新編排，串連成一個充滿驚喜嘅劇場作品。我哋唔單止講故仔，更係透過精緻嘅布偶、動聽嘅音樂同埋演員嘅精彩演出，將大自然嘅遼闊同童話嘅趣味帶到大小朋友眼前，一齊喺劇場度搵返經典故事入面嘅人生道理。
作為 「國際綜藝合家歡 2026」 節目之一，呢場演出專為 4 歲或以上 嘅大小朋友而設，係今個暑假必睇嘅藝術體驗！
--
故事簡介
喂喂喂，你估唔估到——《龜兔賽跑》、《國王的新衣》、《糖果屋》呢三個經典故事，竟然有個同一位「幕後黑手」？冇錯，係同一個！唔係講笑㗎～
普 劇場今次出晒創意，將三個大家耳熟能詳嘅童話故事串埋一齊，唔係就咁棟篤企講故仔咁簡單！有歌聲唱出大自然嘅遼闊，有布偶將森林小動物活生生帶到你眼前，包你睇到眼仔碌碌，細路拍晒手掌，大人都忍唔住笑～
等大小朋友一邊笑一邊玩，重新發掘寓言教會我哋嘅道理：謊言跑得快，自滿爬得高，但誠實——先係最後嘅大贏家！
- 節目全長約1小時10分鐘，不設中場休息
- 粵語演出
