舞尾飛鴕頹廢讀劇
《#Bae我自卑》

!!!!! 有愁不報即內耗 !!!!!
負能量值瀕臨爆錶

7月單打獨鬥

---------

《三觀不正的廚師》

「我要成為another的士判官，
審判社會上所有金玉其外嘅偽君子！」

為咗審判社會敗類，一個喺正氣電視節目《慌張西望》任職多年、
（自稱）對正義異常執著嘅記者，多次令自己嘅事業瀕臨化為烏有。
喺佢就快放棄成為判官之際，
一個神秘電話邀請佢去訪問一個三觀崩壞嘅廚師……

《二手女孩》

「有冇人明二手野唔使錫住用有幾爽？
有冇人明只要慣左無希望就唔使失望？
有冇人明其實我有啲驚？！」

葉花華 —— 一個唔知幾時開始用任何一手物品都出風癱，
習慣用二手野同埋當自己永遠是亞軍嘅女人。
正當佢以為將自己擺係所有人第二位係最安全時，
一次痛到癲嘅失戀（嚴格黎講係單戀）令佢發現，
自己有可能唔只係第二，而係三四五……
只有第一先係世界最安全？

《一分鐘先生》

「咩話？我聽唔到！咩話？我收得唔好……咩話？你走喇？！」

有冇試過扮電話收得唔好？我試過，可以避開好多麻煩。
狼來了話我地知大話講三次就失靈，
但我講左一百次之後，係對耳仔失靈，
我聽到嘅任何聲音，全部都遲左一分鐘。
我叫陳安泰，你呢？你等我一分鐘，一分鐘後我就會聽到你個名。