art-mate搶飛攻略 | art-mate.net

FAQ

　
第一次喺art-mate買飛係咪有啲緊張又興奮呢？
唔使驚，art-mate小編喺度帶路
保證你由『新手村』輕鬆升級做『搶飛達人』!
　

　
1️⃣ 免登記，直接買飛

art-mate宗旨就係快！靚！正！
觀眾買飛【不用】預先登記，不需做會員，直接按『立即購票』就可以。

　
2️⃣ 準時，坐定定

建議可以早幾分鐘就進入購票頁面準備。坐定定、用穩定Wifi搶飛先最穩陣，千祈唔好咁搏命邊搭車邊撳。

開售前

即將開售

開售後

遇到人潮湧入？系統會為你自動跳轉等候室排隊，唔使狂F5刷新。

　
3️⃣ 睇清楚，小心買錯

如果見到心儀嘅節目有多過一場演出，買之前記得睇真啲日期、時間同節目名！

揀選心水場次

　
4️⃣ 十分鐘！決勝負！

注意！注意！注意！（真係好重要）
由你揀位開始，系統就會啟動10分鐘倒數，記得要喺限時內完成整個購票程序，手快有，手慢無！

頁面右上角會顯示10分鐘計時

　
5️⃣【劃位節目】揀啱位！揀啱飛！

揀到心水座位之後，記得要揀返正確嘅門票種類。

不同顏色對應不同票種，記得要揀返心水嘅門票種類！

見到揀選好嘅坐位閃閃下，即代表你已成功留位
（系統只會幫你留位10分鐘，記得盡快完成付款）

確認多次揀好嘅位置及票價

購票TIPS：
【非輪椅使用者】記得唔好揀輪椅席及輪椅使用者之看護人嘅門票

　
5️⃣【非劃位節目】揀啱票種及數量！

揀到心水票區之後，記得揀啱購票數量。

揀選門票數量

填妥聯絡資料及付款方式後，下一頁就會見到系統為你分派嘅座位號碼。
　

購票TIPS：
【非輪椅使用者】記得唔好揀輪椅席及輪椅使用者之看護人嘅門票

　
6️⃣ 填資料要精準！

記得電郵地址千萬不能錯，電子門票靠佢收㗎～

按指示輸入聯絡資料

選擇付款方式

　
跟住以上步驟，你已經準備就緒，祝你搶飛成功！

立即去睇下有咩心水節目，Mark低日子啦！