💬「睇musical聽到後邊有人講『吓又係呢首？』仲要唔係細細聲，到底咩事？」
💬「睇show熄晒燈，前面個小朋友開聲推到最光打機🤡」
💬「快歌環節嗰陣，歌手叫大家企起身。我企起身跳，後面嗰個話我阻住佢睇，叫我坐返低......」
💬「前面兩位觀眾個頭最好唔好黐埋啦，我睇唔到呀！」
💬「聽音樂會，開場前隔離位開罐裝可樂🤪『咔～沙～～～』」
💬「睇Show途中不斷覆message、行出行入聽電話！」
💬「睇劇用手機真係好影響表演者同其他觀眾；宜家仲有智能手錶就仲衰，keep住係咁發光💡」
💬「喺好專心睇演員做戲嘅時候，突然有人喺袋度攞嘢出嚟食，嗰一刻本來好安靜…...」
💬「有次睇音樂劇，前面嗰個人忽然間開著燈牌，照到前面幾個人背脊反哂光，拍佢叫佢熄都唔應，要叫職員先肯收牌🙄」
💬「有觀眾瞓到挨咗落我個身到，仲要買第一行！」
💬「我曾經喺一場內遇到哂以上嘅事！有觀眾離譜到喺現場開live錄影，佢仲要坐第一行嘅正中間，個mon好光。我坐佢後面，俾佢擋住視線。工作人員搵laser照咗好多次佢都唔停。我真金白銀畀錢去睇演出，完全接受嗰到中場投訴完都仲係咁，嚴重影響我嘅觀劇體驗。我嬲到一嘢拍咗落去佢個頭，嗰位觀眾先識停......後來，我同指揮傾計，講起呢件事。佢不停笑，大讚我做得好。」
💬「其實做一個有質素嘅觀眾真係咁難咩？台上表演緊，唔該你哋尊重吓人哋安靜啲，以上種種行為都見過：有時因為交通，遲到入場都無可厚非，但唔好坐低就大大聲同朋友解釋點解遲到。扯鼻鼾同咳好難講，或者真係好攰瞓着覺，咳係控制唔到，佢都唔想。緊急要用電話，就較暗啲放低啲用手遮住，唔好影響人。飲清水我覺得可以，食嘢就唔得，有啲人摷嘢食，啲膠袋紙袋聲好嘈。最乞人憎就係傾偈、講電話、跟住唱！有啲人衰格到叫佢唔好講嘢唔好唱，仲俾佢鬧翻轉頭。仲有一種就係買平價位，到中場過後，走去前面坐。」
|
