劇場演出活動在線

香港式荒誕劇場:尤涅斯科《椅子》(選段)線上讀劇遊樂會Free-to-Play

主辦
主持、讀劇演員(香港)
讀劇演員(香港)
讀劇演員(香港)
讀劇演員(香港)
讀劇演員(香港)
讀劇演員(香港)
Zoom
2023-03-28 ( 9:00 PM )
HKD 80
簡介

為咗推廣「小丑無罪 荒誕有理」嘅概念,今年3至5月,懶係西化嘅 Free-To-Play 將會搞一系列活動,同大家吹吹水搞笑,分享「小丑 x 荒誕」的時代精神,系列活動包括線上讀劇、小丑工作坊、展演同埋分享會。

【第一擊】肯定你睇到懷疑人生嘅尤涅斯科經典作品《椅子》(選段)線上讀劇遊樂會

為咗令呢套九唔搭八嘅劇,再提升一個層次,我哋搵埋比利時嘅藝術家,認真咁同大家演繹一次咩叫做雞同鴨講:一個劇本,用廣東話、英語同法語共同演繹,欣賞唔同語言的語感之餘,笑下當中嘅莫名其妙,仲可以認真諗下由唔同語言翻譯出黎嘅劇本,究竟會唔會影響原本嘅韻味?翻譯之後,仲夠唔夠好笑,夠唔夠荒謬?。放心,我哋都驚冇人敢參加,所以,係劇本選段,選段嚟姐。到時仲有遊戲玩添,集體式快問快答,希望大家爆發出無厘頭嘅小宇宙,如果你怕醜,响隔離食花生都~得~

線上讀劇遊樂會係「香港式荒誕劇場」嘅前奏,比有興趣嘅人士初步認識「小丑 x 荒誕」嘅概念。如果意猶未盡,仲可以參加4-5月舉辦嘅【第二擊】「這個小丑不可笑」工作坊。

尤涅斯科《椅子》大綱:
故事講述一對老夫妻住在被死水包圍的荒島上。老夫妻的生活毫無意義,但老公公有一個重要信息想要告訴世人,於是,他們排除萬難想邀請所有具影響力和代表性的人物來旁聽老公公的演說。最終,拯救了他們的是想像力、空氣中的勇氣及一張小板凳。

 

「香港式荒誕劇場」獲香港藝術發展局計劃資助。香港藝術發展局全力支持藝術表達自由,本計劃內容並不反映本局意見。

製作/參與人員