簡介
《廿一世紀香港浪漫史》演後活動！第一擊！
如果睇完Show嘅你哋又點睇故仔入面嘅角色呢？
如果係你，你會唔會有另一個選擇？
俾你揀多次，你又會唔會同劇中嘅主角一樣呢？
定係，即使同一句對白，你反而會用另一種角度、另一種語氣表現出嚟呢？
黃秋生曾經係《戲王之王》入面講過：「最好睇嘅戲唔喺舞台上面，最好睇嘅戲喺現實生活入面。」
劇場與我哋嘅距離其實好近，你同我，都可以係演員。
《廿一世紀香港浪漫史》係不日試演送俾大家嘅一份禮物，分享嘅方式，唔止係你睇我做，而係變成角色！
所以，我哋將會開一場《廿一世紀香港浪漫史》試演工作坊，用第一身角度感受角色內心嘅愛恨、掙扎、拉扯，以最直接嘅方式，走入角色的內心世界，重現屬於你嘅《浪漫史》。
試演工作坊內容簡介：
由專人指導，重演《廿一世紀香港浪漫史》個別場景片段，演後分享會。參加者不需任何演戲經驗，亦不限於有入場欣賞《廿一世紀香港浪漫史》嘅觀眾。只要你有一顆想嘗試成為演員嘅好奇心，即可參加。