簡介
講起而家夜晚嘅九龍城，你有咩印象？泰菜大排長龍，枱櫈擺滿街邊，友人結隊搵宵夜，遊客落大巴簇擁寨城石柱打卡，九龍城係座不夜城。
150年前，龍津石橋座落九龍城沿海位置，以前係清代繁盛嘅國際貿易碼頭，帶起九龍城做商貿中心區；30年代侶倫筆下啟德濱嘅位置原始而廣闊，仲有村落、醬園、廟宇添～ 喺陳智德眼中，90年代啟德機場由隆隆飛機聲走向熄滅、清拆，象徵港人同歷史割裂。
你經歷嘅九龍城又係點？沉睡多年嘅龍津橋被重新挖掘，但喺古蹟嘅咫尺之外將會建成啟德發展區，物是人非，何不一同路中拾遺？導賞團首次從夕陽時分出發，同大家浪漫九龍城，探索不一樣嘅龍津石橋。
名額：16人